प्रेम र संबन्ध
भर्खरै भ्यालेन्टईन्स
(फेब्रुवरी १४) डे सकियो । धेरैले यसलाई आफ्नै किसिमले मनाए । मैले प्रेम र
सम्बन्ध बारे नेटमा खोजेर पढेँ, यूट्युबहरूमा सुनेँ । यसबारे सदगुरु जग्गु
वासुदेवको छुट्टै दृष्टिकोण रहेछ जुन निम्न किसिमकोछः
प्रेमः अंग्रेजीमा Falling
in Love (Lit. प्रेममा खस्नु) भनिन्छ । अर्थात, प्रेममा एउटा लोग्ने
मानिस स्वस्निमानिसमा वा स्वास्निमानिस लोग्ने मानिसमा “खस्नु” नै पर्छ । “प्रेम”मा
निस्कने, उभिने, उत्रिने भन्दा पनि ‘आफ्नो केही अंश’लाई आफुबाट नष्ट गरेर अर्कोभित्र
“खसाल्ने” वा “झार्ने” वा “सुम्पने” वा “दिने” काम मात्र हुन्छ ।
के हो त
प्रेम?
·
यदि
केही वा कसैलाई (देखेर वा भेटेर) शरिरभरि रमाईलो अनुभूति दगुर्न थाल्छ भने त्यसलाई
“आनन्द (Pleasure)” भनिन्छ ।
·
यदि
केहीलाई वा कसैलाई (देखेर वा भेटेर) मनमा रमाईलो अनुभूति महसुस हुन थाल्छ भने
त्यालाई “हर्ष (Joy)” भनिन्छ ।
·
यदि
केहीलाई वा कसैलाई देख्दा वा भेट्दा भावना रमाईलो नै रमाईलोमा परिणत हुन्छ भने
त्यसलाई “प्रेम (Love)” भनिन्छ ।
·
यदि केही
गर्दा शरिरभरिका जीवन-उर्जाहरू सबै रमाईलो नै रमाईलोमा नाच्न थालेको अनुभूति भए
यसलाई परमानन्द वा चरमसुख (Blissful
or ecstasy) भनिन्छ । र,
·
यदि
आनन्द नै आनन्द दिने वस्तु, प्राणी वा मनुस्यहरुद्वारा आफु घेरिएको भए यसलाई सफलता
(Success) भनिन्छ ।
संबन्ध के
हो त? संबन्ध बिभिन्न किसिमाका
हुन्छन् । जस्तैः छिमेकी, साथी, श्रीमान-श्रीमती, बालबालिका, बा-आमा,
प्रेमी-प्रेमीका, घृणा गर्नु, माया गर्नु, आदि सबै संबन्धहरू हुन् । संबन्धहरू
शारिरिक, भौतिक, भावनात्मक, सामाजिक, आर्थिक आवश्यकताहरू अरुबाट “परिपूर्ति गर्न”को
लागि आवश्यक पर्छन् । कुनै न कुनै किसिमको आवश्यकता पुरा नगरिदिनेसँग संबन्ध
हुँदैन वा निरन्तरता कायम रहँदैन ।
अर्थात,
हरेक संबन्धहरूबाट आफुलाई चाहिने फरक-फरक किसिमको अनेक कृयाकलाप सम्पादन गरेर
चाहेको खुशी हासिल गर्न खोजिन्छ । जस्तैः साथी किन बनाउँने? विवाह किन गर्ने?
वच्चा किन जन्माउँने? व्यापार व्यवसाय किन गर्ने? केही न केही खुशी पाउँन । अर्थात,
आफ्नो खुशी अरुबाट निचोरेर हासिल गर्न आफुले खोजिन्छ र अरुले पनि आफुबाट त्यही
गरिरहेका हुन्छन् । जब अरुलाई निचोरेर खुशी खोज्न थालिन्छ तब त्यहाँ अनेक समस्या
पनि आउँछन् । अर्थात “संबन्ध हुँदा पनि समस्या नहुँदा पनि समस्या । यो एक
समस्याहरूको “द्वन्दात्मक संबन्ध” नै हो, युध्द हो ।“
हुनु
पर्छ के? संबन्धहरूलाई साँच्चै सुन्दर
बनाउँने हो भने अरुलाई हेर्नुभन्दा पहिले आफुभित्र नै गहिरोगरी नियाल्नु पर्छ ।
यदि तिमी अरुलाई (अरुलाई निचोरेर खुशी आफुले लिने होईन कि) “खुशी (मात्र) दिने
स्रोत” बन्न सक्यौ भने तिम्रो संबन्ध जोसंग पनि औधि राम्रो र सुन्दर
हुनेछ ।
तिमी,
कतै अरुका निम्ती खुशी बाँड्न जाँदा कहिल्यै समस्या आउँछ? आउँदैन । तर, जब अरुबाट
खुशी (निचोरेर) हासिल गर्न जान्छौ, अनि समस्या सुरु हुन्छ । संबन्धहरू “समस्या”
हुन थालेकाछन् किनभने हामी नै संबन्धहरूबाट केही खुशी हसिल गर्न लागि पर्छौँ, हामी
आफुसँग नभएको खुशी संबन्धहरूबाट परिपूर्ति गर्न खोज्छौँ । यसो गरे जतिसुकै टालटुल
गर्न खोजे पनि संबन्ध बिग्री रहन्छ । यदि संबन्धहरूलाई अझ सुन्दर बनाउँन केही
“योगदान” गर्ने मात्र सोचेर संबन्धलाई खुशीको स्रोत बनाउँने हो भने त्यो संभव छ र
यस्तो संबन्ध बिछट्टै आनन्ददायक हुन्छ ।
अनुः
विक्रम सुब्बा
Ref:
[i]
जग्गी वसुदेव सद्गुरुः एक भारतीय योगी र लेखक जसलाई कसैले योगी, कसैले
रहस्यमयी मानिस, कसैले दानी व्यक्ती भन्छन् । उनले ईशा फउन्डेसन स्थापन गरेकाछन् ।
जुन एक नाफारहित सामाजिक सँस्था हो जसले भारत, अमेरिका, बेलायत, लेबनाना,
सिंगापुर, क्यानाडा, मलेशिया, युगाण्डा, चीन, नेपाल र अष्ट्रेलिया लगायत सन्सारभरि
“योग”को तालिम दिने काम गरिरहेछ । योगका साथै यस सँस्थाले सामाजिक तथा सामुदायिक
विकासका कामहरू पनि गर्दै आएकोछ जहाँ २० लाख भोलियन्टरहरू काम गर्दछन् ।
परिणामस्वरुप यो फाउण्डेसनले संयुक्त राष्ट्र संघको आर्थिक तथा सामाजिक परिषदले ‘विशेष
परामर्षी सँस्था’ समेतको दर्जा दिएकोछ ।
No comments:
Post a Comment